Жамбыл облысының тұрғындары жер сілкінісін сезді

Скриншот Яндекс Карта
Жамбыл облысының тұрғындары жер сілкінісін сезді, - деп хабарлайды Tengrinews.kz.

Жер асты дүмпулерін сейсмикалық станциялар желісі 1 сәуірде Астана уақыты бойынша сағат 11:14-те тіркеген.
"Жер сілкінісінің эпицентрі Алматыдан батысқа қарай 308 шақырымда Қазақстан аумағында орналасқан. Жер сілкінісінің энергетикалық класы - 10,2, MPV магнитудасы - 5,3", - делінген хабарламада.

Меркі ауылының тұрғындары 2 балдық жер сілкінісін сезді.
ТЖМ мәліметінше, зардап шеккендер мен қирандылар туралы ақпарат жоқ. Мониторинг жүргізіліп жатыр.