Бас жүлдені байлады қанжығаға
Алматы қаласында "Ғұмыр дария" шығармашылық орталығының 20 жылдық мерейтойы аясында, Қазақстан жазушылар одағында "Ұлы дала таланттары" атты жастар арасында республикалық көркем сөз оқу байқауы өтті. От ауызды, орақ тілділер бақ сынаған аталмыш сайысқа Р.Бағланова атындағы аудандық мәдениет орталығының маманы, жас ақын Нұрболат Төлеш қатысып, нәтижесінде бас жүлде иемденді.Енді байқау жеңімпазы Қазақстан Республикасы мен Қытай халық Республикасының бірлесе өткізетін "The Great Silk Road" (Ұлы Жібек жолы) атты Халықаралық байқауы мен телефестиваліне жолдама алды. Жас таланттың жаңа белестерден сүрінбей өтуіне тілектеспіз.
"ҚАЗАЛЫ" ақпарат
