Биыл колледж студенттерінің стипендиясы 50%-ға артады
Фото: pixabay2024 жылы қазақстандық колледж студенттерінің стипендиясы 50%-ға ұлғаяды, деп хабарлайды BAQ.KZ.
Zakon.kz мәліметінше, 2023 жылдың қыркүйегінен бері 250 мыңға жуық колледж студентінің стипендиясы 50%-ға артты. Сонымен қатар Оқу-ағарту министрлігі биыл 300 мыңға жуық студенттің шәкіртақысы тағы 50%-ға көбейетінін атап өтті.
Орта буын мамандықтарында оқитын студенттер 31 422 теңгенің орнына 41 896 теңге алатын болады. Жұмыс квалификациясы бойынша оқитындардың стипендиясы 32 681 теңгеден 43 574 теңгеге ұлғаяды, - деді Техникалық және кәсіби білім беру департаментінің бас сарапшысы Дархан Сатанов.
