Берік Уәли жаңа үкіметті құру қашан басталатынын айтты
Kyzylorda-news.kz. Президенттің кеңесшісі-баспасөз хатшысы Берік Уәли Премьер-министр мен Үкімет мүшелерін тағайындау рәсімі туралы айтып берді, деп хабарлайды Kyzylorda news ақпарат агенттігі BAQ.kz сайтына сілтеме жасап.
Конституцияға сәйкес Президент Қасым-Жомарт Тоқаев "Amanat" басқарушы саяси партиясы ұсынған кандидатураны қарайды.
Кандидатура мақұлданған жағдайда Мемлекет Басшысы Премьер-министрдің кандидатурасын Парламент Мәжілісінің қарауына енгізеді. Мәжіліс мақұлдаған жағдайда Президент жаңа Премьер-министрді қызметке тағайындайды. Осыдан кейін Қазақстан Республикасы Үкіметінің құрамын қалыптастыру процесі басталады, - деді Берік Уәли.
