Қазақстандықтардың зейнетақы жинақтары қаншаға өсті?
Жыл басынан бері БЖЗҚ-ның зейнетақы активтері 17,7 пайызға өсіп, 17,2 триллион теңгеге жетті. Бұл туралы үкімет отырысында Ұлттық банк төрағасының орынбасары Берік Шолпанқұлов мәлімдеді, - деп хабарлайды tengrinews.kz Шолпанқұлов өз баяндамасында зейнетақы активтерінің оң динамикасы туралы айтты.
"Жыл басынан бері олар 17,7 пайызға өсіп, 17,2 триллион теңге болды. Жыл басынан бері инвестициялық кіріс көлемі 1,4 триллион теңге болды. Зейнетақы жарналары - 1,5 триллион теңге, ал мерзімінен бұрын алу - 196,1 миллиард теңге", - деді Ұлттық банк төрағасының орынбасары.
