Оңтүстік Африка Республикасында 10 жылдағы алғаш рет қар жауды
Синоптиктердің пікірінше, қарлы маусым бұл аймақта тағы бір аптаға созылады.Билік Оңтүстік Африка елінде мұндай қар аралас аяздың соңғы жылдары болмағанын ескеріп, тұрғындарға жылы киінуге кеңес берді, деп хабарлайды inbusiness.kz BBC-ге сілтеме жасай отырып. Шілде айы мұнда ең суық кезең - қыстық маусым деп саналады, бірақ, әдетте, қар жаумайтын.
Йоханнесбург тұрғындары қарлы көшелерге — олардың ендіктерінде сирек кездесетін көрініске таңдана қарап, тамсанғандары байқалады.
"Кейбір оқушыларды қармен жақынырақ танысуға алып шықтым, кейбіреулер қардың не екенін біледі, ал басқалары бұл жай ғана жаңбыр деп ойлаған", - деді бастауыш сынып мұғалімі Агнес Мидева.
Үй қызметкері Нобухоси Стомпи ВВС-ге қарлы жолмен жұмысқа бара жатқанын және мұндай нәрсені ешқашан көрмегенін айтты.
"Біздің үйлеріміз жылы, сондықтан бәрі жақсы", — деді қамқоршы Билли Нксумало. "Қар молынан жауып, айналамыз ақ кілеммен жабылғандай болды - өте әдемі көрініс".
Оңтүстік Африканың бірқатар провинцияларында қар жауды, соның ішінде Шығыс Кейп, Мпумаланга және Йоханнесбург пен Соуэто кіретін Гаутенг аймағы. Метеорологтар фермерлерге малға қолайлы жылы үй-жайларды табуға кеңес берді.
