№91 сайлау учаскесіндегі қызметкерлер таң атқаннан қызу жұмыс үстінде. Сағат тілі 9-дарды көрсеткенде асықпай, үйінен жайланып келгендер сайлау учаскесін бір мезетте толтырды. Осы лекті басқарып енген Пірімбетовтер отбасы Ұлыстың ұлы күнімен құттықтады. Мерейлі күнмен тұспа-тұс келген саяси науқанына біркісідей атсалысу керектігін борышы санаған шаңырақ әркез маңызды шарадан тыс қалған емес. Бұл жолы да отбасылық үрдіспен ауызбіршілікпен келіп, таңдау жасады. Пірімбетовтермен қатар келушілер де жылы жүзбен аман-саулық сұрасып, дәм-тұздан ауыз тиді. Қариялар жиылғандарға және барша ел халқына қой үстіне бозторғай жұмыртқалаған заман тіледі. Ақ батасын беріп, маңызды науқан сәтімен өтсін деді.

#сайлау

#пірімбетовтер