Республикалық маңызы бар бірқатар жолға енгізілген шектеу алынды

Бұл туралы «ҚазАвтоЖол» ҰК» АҚ» баспасөз қызметі хабарлады.

Солтүстік Қазақстан өңірінде:

Астана – Петропавл тасжолының Ақмола облысының шекарасынан Бескөл ауылына дейінгі аралық ашық;

Жезқазған – Петропавл тасжолының Явленка және Бескөл ауылдарының арасы ашық;

Петропавл – Соколовка –Ресей Федерациясының шекарасы тасжолының Петропавл қаласынан Ресей Федерациясының шекарасына дейінгі аралығы ашық;

Ақмола облысында:

Астана – Петропавл күрежолының Астана қаласынан Көкшетау қаласына дейінгі аралығы ашық;

Астана – Петропавл күрежолының Көкшетау қаласынан Солтүстік Қазақстан өңірінің шекарасына дейінгі аралығы ашық;

Щучье – Зеренді күрежолы ашық.

Айта кетсек, ауа райының қолайсыздығына байланысты еліміздің үш өңіріндегі республикалық маңызы бар автожолдардың 9 учаскесінде жол қозғалысына шектеу енгізілген болатын.