Қ. Тоқаев мұнда жуырда ашылатын Ядролық медицина орталық пен жаңа емдік-диагностикалық блокты аралап шықты. Президент дәрігерлермен және ғалымдармен сөйлесіп, мекеме қызметі бүкіл ел үшін айтулы оқиға екенін атап өтті. Сондай-ақ Президент ұйым қызметі азаматтардың денсаулығын жақсартып, заман талабына сай медициналық технологиялардың қолжетімділігін арттыратынына сенім білдірді. Айта кетерлігі, Ядролық орталық позитронды эмиссиялық компьютер томографиясымен жабдықталған. Бұл аппарат науқастарға диагноз қою процесін әлдеқайда жеңілдетеді.