Оқу жылы 1 қыркүйекте басталып, 31 мамырда аяқталады – вице-министр
Бұл туралы Оқу-ағарту министрінің бірінші орынбасары Шолпан Каринова Facebook желісіндегі парақшасында жазды, деп хабарлайды baq.kz.Оқу-ағарту министрінің жаңа 2022-2023 оқу жылын бастау жөніндегі бұйрығы қабылданды. Жаңа оқу жылы 36 оқу аптасынан тұрады. Оқу жылы 1 қыркүйекте басталып, 31 мамырда аяқталады. Жаз бойы балалар демалады, - деп жазды Ш.Каринова.
Вице-министрдің айтуынша, оқу жылындағы демалыс күндері келесідей болады:
- 1–11 сыныптарда:
күзгі – 7 күн (2022 жылғы 31 қазаннан 6 қарашаға дейін),
қысқы – 9 күн (2022 жылғы 31 желтоқсаннан 2023 жылғы 8 қаңтарға дейін), көктемгі – 9 күн (2023 жылғы 18 наурыздан 26 наурызға дейін);
- 1 сыныптарда қосымша демалыс – 7 күн (2023 жылғы 6 ақпаннан 12 ақпанға дейін).
