Ауыл тұрғындарымен кездесті
Аудан әкімі Мұхтар Оразбаев Жанқожа батыр ауылының тұрғындарымен кездесіп, Ұлысты ұлы күні – Наурыз мерекесімен құттықтады.Ауылдық мәдениет өткен кездесуге аудандық мәслихат хатшысы Бақытжан Жарылқап, аудан әкімінің орынбасары Дәурен Тілеумбетов, аудандық құрылыс, сәулет және қала құрылысы бөлімінің басшысы Нұрбек Күзембаев, аудандық білім бөлімінің басшысы Әділхан Жөлекешов, аудандық жер қатынастары бөлімінің басшысы Еркін Сейітов қатысты.
Басқосуда аудан басшысы ауыл тұрғындарының ұсыныс-пікірлерін тыңдады. Өз кезегінде жанқожабатырлықтар бүгінгі күні өзекті деген тақырыптарға байланысты ой-пікірлерін бүкпесіз айтып берді.
Аудан әкімі Мұхтар Оразбаев ауыл тұрғындарының әрбір ұсыныстарын тыңдап, олардың шешілу жолдарын қарастыру үшін бүгіннен бастап жүйелі жұмыс жасау қажеттігін жеткізді. Ол үшін ең алдымен елдің ауызбіршілігі қажет екендігін атап өтті.
"ҚАЗАЛЫ" ақпарат
