«Дельтакрон» гибридті штамының үш жаңа нұсқасы табылды
Ғалымдар «Омикрон» және «Дельта» коронавирус штамдарын рекомбинациялаудың кем дегенде үш нұсқасын — «Дельтакрон» деп атады.Олар туралы Ұлыбританияның денсаулық сақтау қауіпсіздігі Агенттігінің апта сайынғы есебінде айтылған. Рекомбинанттар Австралия мен Еуропада да табылды, деп хабарлайды ҚазАқпарат Covid-19 таралуына жол бермеу жөніндегі ведомствоаралық комиссиясының Telegram каналына сілтеме жасап. Алайда, «Омикронның» келуімен бір мезгілде екі штаммен инфекция жағдайы өзгерді, өйткені «Дельтаға» қарсы белсенді иммунитет коронавирустың жаңа нұсқасының шабуылын әрдайым тоқтата алмайды. Германияда вакцина өндірушілерінің бірінің өкілі әлем жаңа штамдардың пайда болуына дайын деп санайды, енді СOVID-19 коронавирусының тағы бір мүмкін мутациясы адамзатты таңқалдырмайды. Жалпы, дәрігерлердің пікірінше, қоғам пандемия жағдайында өмір сүруге бейімделуі керек, өйткені вирус алдағы жылдары жоғалып кетуі екіталай. «Вирус көптеген адамдардың өмірін қиды. Бізде қорқыныш жоқ. Біз осы жағдайларда өмір сүруді үйренуге тырысамыз. Келесі 15 жыл ішінде біз оған назар аударуымыз керек, өйткені жаңа мутация пайда болу мүмкін», – дейді иммунолог Угур Шахин.
