«Қазақстан. Тәуелсіздіктің 30 жылы» кітабы жарық көрді

Елордада Қазақстан Тәуелсіздігінің 30 жылдығына арналған «Қазақстан. Тәуелсіздіктің 30 жылы» атты кітап жарық көрді, деп хабарлайды egemen.kz

Жаңа кітап ҚР Премьер-Министрі Асқар Ұзақпайұлы Маминнің алғысөзімен жарық көрді. Ал оның ішіндегі талдамалық мақаланы Индустрия және инфрақұрылымдық даму министрі Бейбіт Бәкірұлы Атамқұлов жазған.
Кітапта «Тәуелсіздік шежіресі» айдарымен Қазақстан Республикасының Тұңғыш Президенті – Елбасы Нұрсұлтан Әбішұлы Назарбаев пен Қазақстан Республикасының Президенті Қасым-Жомарт Тоқаевтың Тәуелсіз Қазақстанның дамуындағы тарихи рөлін сипаттайтын тарихи фотосуреттер берілген.
Бұдан бөлек ордалы отыз жыл ішіндегі облыстардың жеткен жетістіктері туралы аймақ және қала әкімдері жазған мақалалар шоғырланған.

Кітап «Саус-Ойл» ЖШС мұнай-газ компаниясы, «ҚазМұнайГаз» ҰК» АҚ, «Өскемен титан-магний комбинаты» АҚ, «Карачаганак Петролиум Оперейтинг Б.В.», «СНПС-Ақтөбемұнайгаз» АҚ, «АрселорМиттал Теміртау» АҚ, «Қазақмыс Холдингі» ЖШС-терінің демеушілігімен шыққан. Авторы және құрастырушысы Мұхаметалина Раушан Қайырбекқызы.
Мерейтой қарсаңында орыс және ағылшын тілдерінде жазылған кітап Қазақстан, ЕАЭО елдері, ТМД және алыс шетелдегі оқырмандарға арналған.
Кітаптың негізгі міндеті – шетел оқырмандарына Қазақстанды экономикасы, индустриясы дамыған және бизнестің барлық салаларында үлкен өсу әлеуеті бар ел ретінде таныстыру.