11 қазанға арналған ауа райы болжамы
Қазақстанның шығыс аумағында жауын-шашын жауады, оңтүстік-шығыстың таулы аудандарында қатты жауын-шашын болып, арты қарға айналуы мүмкін, деп хабарлайды Express Qazaqstan.
Еліміздің оңтүстік-батысында, солтүстігінде, оңтүстік-шығысында, шығысында — жел күшейеді, оңтүстік-батысында — шаңды дауыл соғып, тұман түседі, солтүстігінде — көктайғақ болады.
Жамбыл облысының солтүстік-шығысында және таулы аудандарында тұман түседі, оңтүстік-батысында жел екпіні секундіна 25 метрге дейін күшейеді.
Ақмола облысының шығыс аумағында тұман түседі, көктайғақ болады. Күндіз облыстың оңтүстік-шығысында желдің күші секундына 15-20 метрге жетеді.
Алматы облысының таулы аймақтарында және тау бөктерінде тұман түседі. Түнде — облыстың батысында, күндіз — шығысында секундына 15-20 метр жылдамдықпен жел соғады.
Күндіз Қызылорда облысының орталығында жел екпіні секундына 15-20 метрге дейін. Шаңды дауыл тұрады.
Қостанай облысының солтүстігінде тұман түседі, оңтүстігінде жел екпіні 15-20 метрге дейін күшейеді.
Шығыс Қазақстан облысының батысында жел жылдамдығы секундына 15-20 метрге жетеді. Түнде және таңертең Солтүстік Қазақстан облысының солтүстігінде, Атырау облысының солтүстігінде, батысында, Маңғыстау облысында тұман болады. Түнде және таңертең Ақтөбе облысының солтүстігінде, солтүстік-шығысында және Түркістан облысының таулы аудандарында тұман түседі.
