COVID-19: Жаңа толқындары қалай пайда болатынын түсіндірді

Дэвистегі Калифорния университетінің Ветеринарлық медицина мектебінің мамандары коронавирус инфекциясының жаңа толқындарының пайда болу жолдарын зерттеді, деп хабарлайды Stan.kz ақпарат агенттігі.

Олар өз қорытындыларын Scientific Reports ғылыми журналында жарияланған мақалада ұсынды.
Ғалымдар 2020 жылдың 1 наурызынан бастап Азия елдеріндегі SARS-CoV-2 150 штаммының деректерін талдады, содан кейін алынған ақпаратты патогеннің генетикалық өзгергіштігінің метрикасына біріктірді.
SARS-CoV-2 коронавирусында тез дамып, жылдам таралатын 15 тұрақты мутацияланған гендер бар екені белгілі болды. Сондықтан пандемияның жаңа толқыны пайда болады, дейді ғалымдар.
"Бұл толқындар коронавирус жаңа нұсқаларда пайда болғанша тоқтамайды", - дейді зерттеу жетекшісі Барт Веймер.