Сапар барысында алдымен құрылысы жақында басталған ауылдық клуб үйінің алғашқы кірпішін қалау рәсіміне қатысты.

Жоба бойынша бүгінде құрылыс-монтаж жұмыстары басталып, барлық қажетті техникалар мен материалдар жеткізілген. Құрылыс жұмыстарын мердігер компания «Болашақ» жауапкершілігі шектеулі серіктестігі жүргізуде.

Жұмыспен қамту орталығының жолдамасы арқылы жергілікті тұрғындар жұмысқа тартылған. Жаңа нысан келер жылғы көктемде пайдалануға беріледі деп жоспарланып отыр.

Айта кетейік, Ақсуат ауылдық клубы 1954 жылы бір қабатты күйдірілмеген кірпіштен салынған. 2013 жылы апаттық жағдайдағы құрылыстар тізіміне енгізілген болатын.

Бұдан соң М.Ергешбаев ауылдық округте құрылысы аяқталуға жақын 90 орындық балабақша мен №100 орта мектеп ғимаратының жылыту жүйесіне жүргізіліп жатқан ағымдағы жөндеу жұмыстарымен танысты.

Аудан басшысы нысандарды аралап болған соң, құрылысқа жауапты мердігерлер мен бөлім басшысына нысандардың сапасын жоғары бақылауда ұстап, жоспарланған уақыттан кешіктірмей ел игілігіне пайдалануға беруді тапсырды.