Көшпелі сауда қызып тұр
Қазалы ауданында жұқпалы індеттің таралмауы үшін қауіпсіздік шаралары күшейтілген. Осыған орай ауданда қоғамдық көліктермен қатар жеке автомобильдердің де жүруіне тыйым салынды. Аудан мен ауылдарға кіреберіс жерлерге тосқауыл бекеттері қойылды.Блокбекеттер тұрғындардың жүріп-тұруы үшін кедергі тудырғанымен күнделікті қажеттіліктері үшін тосқауыл болмауы керек. Осыны ескерген Қазалы ауданы әкімдігі көшпелі сауда қызметін ұйымдастырып, тұрғындарға базар бағасымен азық-түлік сатуды қолға алды.
Аудан кәсіпкерлері Кәукей ауылы тұрғындарына картоп, жуа, сәбіз, макарон, ұн, өсімдік майы, қант, күрішпен қатар, жеміс-жидектер жеткізді. Тиімді шараны басқа ауылдарда да ұйымдастыру көзделіп отыр.
Аудан әкімінің баспасөз қызметі
