Паралимпиада ойындарының қола жүлдегеріне пәтер берілді
Қытайдың Бейжің қаласында өткен Қысқы Паралимпиада ойындарының жүлдегері Александр Герлицке пәтер кілті мен 5 миллион теңге берілді, деп хабарлайды Stan.kz
Қазақстандық спортшы Бейжің Олимпиадасының жалғыз жүлдегері атанған. Герлицке пәтер кілтін Солтүстік Қазақстан облысының әкімі Құмар Ақсақалов табыстады.
Құмар Ақсақаловтың әлеуметтік желідегі парақшасында спортшылармен түскен суреттер жарияланды. Әкім паралимпиадашылар Ербол Хамитов пен Сергей Усольцев, конькиші Иван Аржаников пен жаттықтырушыларына сертификат және ақшалай сыйлықтар табыстады.
Айта кетейік, бұған дейін Александр Герлицтің Паралимпиада қола медаль жеңгені туралы хабарлаған едік. Спортшы 10 шақырымға биатлон жарысына қатысқан.
