Қазалы Qazaly.kz ақпараттық агенттігі
» » Алматыдағы бокс кеші: Қамшыбек Қоңқабаев британиялық қарсыласын тізе бүктірді

Алматыдағы бокс кеші: Қамшыбек Қоңқабаев британиялық қарсыласын тізе бүктірді

Алматыда өтіп жатқан MTK Kazakhstan бокс кешінде басты кездесу өтті, деп хабарлайды inform.kz.
Кездесуде қазақстандық боксшы Қамшыбек Қоңқабаев (3-0, 3 КО) британиялық Стивен Уордпен (13-1, 4 КО) жұдырықтасқан болатын. Крузервейттегі жекпе-жекте қарсыластар бос тұрған WBA Gold чемпиондық атағы үшін сайысқа түсті. Кездесу 12 раундқа есептелген. Алайда, ол аяғына дейін жетпеді. Жекпе-жек жетінші раундта Қамшыбектің жеңісімен аяқталды. Уорд алған жарақатына сайысты жалғастыра алмады. Бесінші раундта төреші британиялық боксшының нокдаунға түскенін көрсетті. Осылайша, Қамшыбек Қоңқабаев кәсіби бокстағы карьерасында 4-ші жеңісіне (тұртіншісін нокаутпен) қол жеткізді. Ол WBA Gold чемпиондық белдігін жеңіп алды. Стивен Уорд болса, кәсіби рингте екінші рет жеңілді.
12 желтоқсан 2021 ж. 616 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031