"Канело" Головкинмен үшінші жекпе-жегіне қатысты мәлімдеме жасады
Мексикалық Сауль "Канело" Альварес (53-1-2, 36 KO) қазақстандық боксшы Геннадий Головкинмен (40-1-1, 35 КО) жақын арада кездесуді жоспарламағанын айтты, - деп хабарлайды vRINGe.com.Шолушылар "Канело" және GGG тағы мамырда үшінші рет жекпе-жекке шығуы мүмкін екенін болжады. Алайда Саульдің басқа жоспары бар болып шықты.
"Головкинге қатысты жағдай анық: бұл - оның ойында жүрген жалғыз жекпе-жек. Мүмкін ол карьерасын "Канелоға" қарсы жекпе-жектен кейін аяқтығысы келетін шығар. Бірақ біздің қазір басқа мақсатымыз бар: алдымен Смитпен кездесу, содан соң, Эдди (Рейносо) айтқандай, 76,2 килограмдағы титулдарды біріктіру және тарихты өзгертуді жалғастыру керек. Головкинмен кейінірек кездесеміз", - деді Альварес.
Бұған дейін Головкин мен Альварес екі рет кездескен болатын. 2017 жылдың қыркүйегінде жекпе-жек тең аяқталды, ал жыл бұрын төрешілер жеңісті "Канелоға" берді.
Еске салайық, 18 желтоқсанда Головкин жартылай салмақта IBF титулын қорғау үшін польшалық Камил Шерематамен жекпе-жек өткізеді. Ал Альварес WBA чемпионы Каллум Смитпен кездеседі.
