Қазалы Қазалы аудандық қоғамдық-саяси газет
» » «Астана» футболшылары «БАТЭ» командасын ірі есеппен жеңді

«Астана» футболшылары «БАТЭ» командасын ірі есеппен жеңді


Футболдан UEFA Еуропа плей-офф сатысындағы алғашқы кездесуінде елордалық «Астана» өз алаңында Беларусьтің БАТЭ командасынан басым түсті.
Плей-офф кезеңінде жолы болған команда жарыстың топтық сатысына жолдама алады. Сондықтан екі команда да бүгінгі кездесуде өздеріне қолайлы есепке қол жеткізуге барынша күш салды. Ойынның алғашқы минутынан біздің команда тізгінді қолға алуға тырысты. Қарсыластар қақпасы маңында қауіпті шабуылдар ұйымдастырды. Нәтижесінде алғашқы болып есеп ашты. Кездесудің 23-минутында Марин Томасов командалас әріптесінен доп алды. Содан кейін бірнеше қарсыласын алдап өтті. Сосын алыстан допты шірене теуіп, қарсыластар қақпасын тулатты. Айта кету керек, бұл Марин Томасовтың биылғы еурокубок ойындарында соққан жетінші голы саналады. Елордалық футболшылар бірінші кезеңде бұдан кейін де көптеген шабуылдар ұйымдастырған еді. Дегенмен олардың барлығы діттеген жеріне жеткен жоқ. Бірінші кезеңнің соңында оң қанаттан әуелете берілген допты «Астана» ойыншысы Юрий Логвиненко баспен қақпаға соғып кетті. Екінші кезең басталғаннан кейін көп ұзамай «Астана» есепті үстемелей түсті. БАТЭ қақпасына белгіленген пенальтиді Рунар Сигурйонссон шебер орындай білді. Бұдан кейін қос команда тарапынан есепті өзгертетін мүмкіндіктер болды. Десе де ойын соңына дейін бұдан басқа гол соғылған жоқ. «Астана» қарсыласынан 3:0 есебімен басым түсті.

23 тамыз 2019 ж. 93 0

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30