37 жастағы "Елес" лақап атымен танымал Павлик 2000 жылдың маусымында профи рингінде дебют жасаған. 2012 жылы бокстан кеспей тұрып ол барлығы 42 жекпе-жек өткізген, оның екеуінде жеңіліс тапқан, боксшының еншісінде 34 нокаут бар. Бұрын орташа салмақтағы WBC және WBO титулының иегері болған. "Менің ойымша, Головкин мен Павликтің жекпе-жегі болса, рингте нағыз соғыс болар еді. Бірақ GGG әлдеқайда тартымды, талантты және қолы ауыр. Геннадийді спортшы ретінде тұтас көруге болады. Бірақ Павлик те 2007 жылы өзінің шарықтау шегіне жеткен еді. Десе де мен Головкин соңғы раундтарда әдемі нокаутпен жеңер еді деймін", - деп жазды автор өзінің дәстүрлі айдарында.