Қоғамдық бірлестік бас қосты
Қаңтар айының 17 күні Әйтеке би кенттік әкімшілігінде аудандық ішкі саясат бөлімінің ұйымдастыруымен үкіметтік емес ұйым өкілдерінің кездесуі өтті. Жиынды аудандық ішкі саясат бөлімінің бас маманы Ерлан Нұржаубаев жүргізді. Күн тәртібіндегі мәселе ретінде үкіметтік емес ұйымдар қызметінің дерекқоры бойынша түсіндірме жұмыстары жасалды. Сонымен қатар, ҮЕҰ дерекқоры жайында маңызды тармақтар талқыға салынды.
Шара барысында қоғамдық ұйым жетекшілері көкейтесті сұрақтарын қойып, тұшымды жауаптарын алды.
Айта кетейік, ҮЕҰ Дерекқоры – үкіметтік емес ұйымдар қызметінің ашықтығын қамтамасыз ету және жұртшылыққа олар туралы ақпарат беру мақсатында, сондай-ақ мемлекеттік әлеуметтік тапсырысты орналастыру шеңберінде пайдалану, гранттар ұсыну және сыйақылар беру үшін қалыптастырылатын ақпараттық дерекқор.
Ринат ӘБДІҚАЛЫҚ.
