Бүгінде Қазақстан халқы Ассамблеясы белсенді қызметімен әлемге танылған іргелі ұйымға айналған. ТМД елдеріндегі әріптестерімен тығыз ынтымақтастық орнатудың нәтижесінде этносаралық келісім мен бірлікті ғана емес, қоғамдағы жалпы әлеуметтік мәселелерге белсене араласуда. Елбасы жүктеген міндеттерге сан түрлі мазмұнды іс-шаралар игілікті жұмыстарды жүзеге асыруға бастамашы болып жүр. Құрылғанына жиырма үш жылдан астам уақыт болған Ассамблеяның жыл өткен сайын жандана түсуде.

Қазір Қазақстанның жер-жерлеріндегі елдің біртұтастық идеяларын, этносаралық келісімді, қазақстандық патриотизмді нығайту мен насихаттауды жақсартуға арналған Достық үйлері жұмыс істейді. Медицина саласында қызмет істеп, зейнеткерлік демалысына жетсем де, бұл күні облыстық Қазақстан халқы Ассамблеясының мүшесімін. Оның сессияларына үш мәрте қатысып, өзекті мәселелер талқыланған алқалы жиынның куәсі болдым.

Биылғы елорда төрінде өткен «Бес әлеуметтік бастама – қоғамның әлеуметтік бірлігінің тұғыры» атты Қазақстан халқы Ассамблеясының ХХVІ сессияның мазмұнын теледидардан тамашалап, жақсы әсер алдым. Онда Елбасының «Президенттің әлеуметтік бес бастамасы» Үндеуінен туындайтын жоспарлар жан-жақты айтылып, мерейлі міндеттер белгіленді. Алқалы жиындағы талқыланған ауқымды шараларды іске асыруда белсенділік көрсету барша қазақстандықтар үшін бұлжытпайтын парыз.

медицина саласының ардагері,

облыстық Қазақстан халқы Ассамблеясының мүшесі