Қазалы Қазалы аудандық қоғамдық-саяси газет
» » Көптің көкейіндегі мәселе көтерілді

Көптің көкейіндегі мәселе көтерілді

«Рухани жаңғыру» бағдарламасы аясында елімізде ауқымды әлеметтік жобалар мен іс- шаралар жүзеге асырылып жатыр. Жақсылықтың жалғасындай бүгін Ел Президенті «Бес әлеуметтік бастаманы» жария етті. Оның әрқайсысы біздің халқымыз үшін үлкен берекенің бастауы.
Елбасының бірінші тапсырмасы қазақстандық әр отбасын баспанамен қамтамасыз ету қажеттігі мен оған мүмкіндік қалыптастыру жайында болды. Ол үшін берілетін несиеге алдын ала төлемді 20 пайызға дейін азайтып, ал несиені өтеу мерзімін 25 жылға дейін ұзарту керегін айтқан Мемлекет басшысы бұл бағдарламаны «7-20-25» деп атады және несиенің жылдық мөлшерін 7 пайыздан асырмайтын талапты атап өтті.
Жастар үшін баспана – ең басты мәселе. Тұрғын үйге қолжетімділік бастамасы – көптің көкейінде жүрген өзекті мәселені көтерді. Қолжетімді тұрғын үймен қамтуда мемлекетіміз бұған дейін біршама бағдарламаларды жүзеге асырып келеді. Дегенмен, соның өзі жеткіліксіз, баспанасыз жүрген отбасылар әлі де жетерлік. Үндеудегі әрбір жұмыс істейтін адамның несиеге пәтер сатып алуы отбасы бюджетінің мүмкіндіктерін қарастыра отырып жүргізілетіндігі де тамаша идея. Елбасы өзі көтерген мәселенің дәл нақты шешімін де ұсынды. Бағдарламаны іске асыру тұрғын-үй нарығына зор серпін беретіндігі сөзсіз.
Әділбек САРАБЕКОВ,
«Қазалы Строй Сервис» ЖШС директоры,
аудандық мәслихат депутаты.
13 наурыз 2018 ж. 748 0

Жаңалықтар мұрағаты

«    Желтоқсан 2018    »
ДсСсСрБсЖмСбЖс
 12
3456789
10111213141516
17181920212223
24252627282930
31