Қазалы Qazaly.kz ақпараттық агенттігі
» » Шаурма жеген зиян ба - диетолог жауабы

Шаурма жеген зиян ба - диетолог жауабы

Диетолог маман қандай шаурма денсаулыққа зиянын тигізбейтінін айтып берді.

Қазіргі заманда күнделікті тіршіліктің күйбеңімен дұрыс тамақтануға уақыт жетпей жатады. Мұндай жағдайда көбінесе тіске басар бірдеңе алып жүрген жақсы. Мәселен: қантсыз ашытылған сүт өнімдері, көкөністер мен жемістер.

Алайда ірі қала тұрғындары көбінесе тез әзірленетін ас ұсынатын дәмханаларға кіріп немесе жолай шаурма ала салады. Мұның да денсаулыққа еш зияны жоқ, дейді диетолог дәрігер Сергей Обложко. Оның пікірінше, дұрыс тамақтану тұрғысынан алып қарағанда шаурманың құрамында адам ағзасына қажеттінің бәрі бар: тауық еті, көкөністер және жеңіл соустар.

"Бұл жерде екі-ақ проблема бар: шаурма өндірушілер майды көбірек қосуға тырысады, сондықтан майын азайтуды өтінуге болады. Екіншіден, шаурманың екі ұшында бірнеше мәрте оралған жұқа нан ғана бар: оларды алып тастап, ортасын ғана жесеңіз, ағзаға қажеттінің бәрін аласыз – нәруыз, көмірсу және жасұнық", - дейді Обложко.

Аспаздар таза қолымен әзірлесе, бұл тамаша тіске басар тағам, деп атап өтті дәрігер.

Майсыз шаурма табылмаса, дәмханадан өзіңізге пайдалы кез келген басқа тағамды таба аласыз. Диетолог мұндай жағдайда тауық еті мен көкөніс салатын таңдауға кеңес берді.
26 мамыр 2019 ж. 1 254 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031