Тойда "Шімән апаны" ұнатып, құшақтай алған ата жұртты күлкіге қарық қылды (видео)
Желіге көпшілікке "Шімән" апа лақап атымен танылған Ерболат Төленгеновтің қызықты видеосы тарап кетті. Әзілкешті әжей бейнесінде ұнатып қалған қария тойда оны бас салып құшақтаған деп жазады KAZ.NUR.KZ.Әзілкештің видеосын mikonty_official есімді Instagram қолданушысы желіге жүктеген. Тойда Шіман апа ортаға жасы келген қарияны ойынға алып шыққан. Қонақтардың көңілін ауламақ болып, өзі ыңғайсыз жағдайда қалған әзілкеш атайды өзінің ер адам екеніне әрең сендірген. Видеоны көрген желі қолданушылары күлкіге қарық болғандарын жасыра алмай, жарыса пікір жазған.
"Кемпір болып ойнаймын деп, басы бәлеге қалды ғой", "Күлсең, кәріге күл" деген осы шығар", "Осында әзілдер көбейе берсін", "Шімән апа, шалдардың жүрегін ауыртып жүр екенсіз ғой".
"Мұндай сценарийді сахнадан да таба алмайсың", "Шімән апа шал тауыпты", "Әбден күліп алдым" деп жазды желідегілер.
alashainasy.kz
