Google Қазақстанның Тәуелсіздік күніне дудл арнады
Google корпорациясы Қазақстанның Тәуелсіздік күнінің құрметіне өзінің логотипін безендірді.Дудлдың сипаттамасында оның бүгінгі күні Қазақстанның стилінде безендірілгені жазылған. Дудлда 1991 жылы өзінің тәуелсіздігін жариялаған мемлекеттің туы бейнеленген.
«Күннің шуағы мен дала қыраны адалдықтың, шыншылдықтың және тұтастықтың белгісі», – делінеді сипаттамасында.
Сондай-ақ, корпорация біздің елімізде 130-ға жуық ұлты өкілі тату тұрып жатқанын және 17 діни ағым бар екенін атап өткен.
Айта кетсек, Google корпорациясы өзінің логотипін еліміздің Тәуелсіздік күніне орай алғаш рет өзгертіп отырған жоқ.
