Қазалыда майдангерлерге құрмет көрсетілді

Жеңіс күні қарсаңында Қазалы ауданының ерікті жастары Ұлы Отан соғысының көзі тірі куәгерлерін мерекемен құттықтап, құрмет көрсетті.

Еріктілер Әйтеке би кентіндегі Тілеуберген Тобабергенов, Қазалы қаласында тұратын Қалеп Бектұрғанов және Бекарыстан би ауылындағы Қабақ Смағұлдың үйлеріне арнайы барып, майдан даласында көрсеткен ерліктері мен бейбіт өмір сыйлағандары үшін алғыс айтты. Мерекеге орай ардагерлерге Қызылорда облысының әкімі Гүлшара Әбдіқалықова мен аудан басшысы Мұрат Ергешбаевтың "Құттықтау" хаты мен сый-сияпаттар табыстады.

Өз кезегінде Ұлы Отан соғысының ардагерлері ерікті жастарға ризашылығын білдіріп, баталарын берді.