Қазалы Qazaly.kz ақпараттық агенттігі
» » Мемлекет басшысы қазақстандықтарды Рождество мерекесімен құттықтады

Мемлекет басшысы қазақстандықтарды Рождество мерекесімен құттықтады

   Астана, baq.kz. Елбасы Нұрсұлтан Назарбаев қазақстандықтарды Рождество мерекесімен құттықтап, бүгінде түрлі дін өкілдері өзара түсіністікті нығайтуға және қазіргі Қазақстан қоғамының тұрақты дамуына елеулі үлес қосуда екенін айтты. Бұл туралы Ақорда хабарлайды.

Қымбатты отандастар! Барша православ христиандарын Рождество мерекесімен құттықтаймын!
  Бұл – жақсылық пен әділдікті, жақын жандарға деген мейірім мен сүйіспеншілікті дәріптейтін, жоғары гуманистік идеалдарға деген сенімді нығайтатын мейрам.
  Қазақстандықтар бір-бірін басты рухани мерекелермен құттықтай отырып, әркімге түсінікті және әр адамның жанына жақын адами құндылықтардың тұтастығын танытады.
  Біздің азаматтарымыз бәрімізге ортақ бейбітшілік, бірлік, конфессияаралық келісім және басқа да көптеген маңызды жетістіктерімізді мақтан ете алады.
  Бүгінде түрлі дін өкілдері өзара түсіністікті нығайтуға және қазіргі Қазақстан қоғамының тұрақты дамуына елеулі үлес қосуда.
  Бәріңізге шын жүректен зор денсаулық, баянды бақыт, отбасыларыңызға береке тілеймін!
07 қаңтар 2019 ж. 1 005 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031