Қазалыда алғашқы виртуалды сот отырысы өткізілді
Қазалы аудандық сотының судьясы М.Б.Оспанов «SMART сот» пилоттық жобасын жүзеге асыру аясында арыздаушы К.-ның інісі К.-ны әрекетке қабілетсіз деп тану туралы азаматтық ісі қаралды.Арыз беруші объективтік жағдайларға байланысты сот отырысына қатысуға мүмкіндігі болмағандықтан, смартфонына орнатылған «TrueConf» қосымшасы арқылы сот отырысына қатысты.
Аталған бейне-конференц байланыс мобильдік жобасы істі қарау барысында қол жетімді, жедел, ыңғайлы болып табылады. Сондай-ақ, сотқа келіп кететін уақыт пен қаражатты үнемдеуге мүмкіндік береді.
Сот шешімімен арыз берушінің арызы қанағаттандырылды.
Айта кететін жайт, сот отырысына онлайн режимінде қатысу үшін «TrueСonf» бағдарламасын «Appstore» немесе «Playmarket» арқылы смартфонға көшіріп алуға болады. Сот мәжілісінің хатшысы логин және құпия сөз бергеннен кейін, сотқа қатысушы тарап осы бағдарлама арқылы сұранысты қабылдап ұялы бейне-конференц байланысын қабылдайды. Бірақ, сот отырысы аяқталғаннан кейін өзінің тіркемесінен шығуы тиіс.
Қазалы аудандық сотының баспасөз қызметі
