Жемқорлыққа жол бермеу мақсатында «Теміржол» партия филиалының «Транстелеком» БПҰ-ында әкімшілік басқару персоналдарына түсіндірме жұмыстары жүргізілді.

Жиынды «Транстелеком» филиалының басқарушы директоры,әрі БПҰ төрағасы Саян Аширбеков ашып, құзіретті орган мен партия өкілдеріне сыбайлас жемқорлыққа қарсы іс-қимыл туралы заңнаманың талаптарымен жемқорлыққа қарсы іс-қимыл жөніндегі жұмыстағы кездескен келеңсіз жайтармен және оларды болдырмау мақсатында атқарылып жатқан жұмыстары жайлы түсіндірме жұмыстарын жүргізуін сұрады.

Жиынға қатысқан ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Қызылорда облысы бойынша Департаментінің басқарма басшысы Бағдат Изкенов, Қызылорда көлік прокурорының аға прокуроры Кенжебек Ердаулетов, «Теміржол» партия филиалы төрағасының бірінші орынбасары Базара Танбаева сыбайлас жемқорлықтың кез-келген көрінісіне мүлдем төзбеушілікті қалыптастыруда жемқорлықтың салдарымен күресу және оның деңгейін төмендету бағытында жасалған қадамдарымен бөлісті.

Жиын барасында пара алу қылмыс, пара беру -бас бостандығынан және болашағынан айыратыны жайлы өз ойларын айтып, бұндай заң бұзушылыққа қасақана барғанда қатаң жазаға тартылған азаматтар туралы арнайы дайындалған видео роликті көрсетті.

Жемқорлықты алдын-алу және оны болдырмау мақсатында өткен жиын әрбір қызметкерді сыбайлас жемқорлыққа жол бермеуге міндеттеп, жемқорлыққа итермелейтін және адам атымен абыройына кір келтіретін әрекеттерден аулақ болуға шақырды.