«Болашақ» стипендиясы 128 үміткерге тағайындалды
128 үміткер «Болашақ» стипендиясының иегері атанды. Бірі әлемнің жетекші оқу ордаларында магистратура мен докторантураны оқыса, енді бірі тағлымдамадан өтетін болады.
Бүгін Мемлекеттік хатшының жетекшілігімен өткен шетелде кадрлар даярлау жөніндегі республикалық комиссияның отырысында осындай шешім қабылданды. Гүлшара Әбдіқалықова Назарбаев университеті жүргізген зерттеудің нәтижесінде бағдарлама өз тиімділігін көрсеткенін атап өтті. Болашақтың түлектері бүгінде экономиканың барлық салаларында еңбек етіп жүр. Мәселен кардиолог мамандар жүрекке 32 мыңнан аса операция жасаған. Ал бағдарлама қолға алынған 25 жыл ішінде 10 мыңнан аса білікті кадр даярланды.