Облыстық ішкі саясат басқармасының басшысы А.Қайруллаев облыстық дін мәселелерін зерттеу орталығының директоры Б.Камалов, қалалық «Мүсірәлі ата» мешітінің бас имамы Б.Арынов Алматы қаласына жасаған сапары барысында «Нұр-Мүбарак» Египет ислам мәдениеті университетінің ректоры Жудда Абдулғани Басюнимен кездесіп, діни ахуал, кадр даярлау мәселелері бойынша пікір алмасты. 

Кездесу барысында басқарма басшысы облыс әкімдігі мен «Нұр-Мүбарак» университеті арасындағы қарым-қатынастың маңыздылығын айта отырып, биылғы жылы облыста өтетін шараларға университет ғалымдарының қатысатынына сенім білдірді.

Сонымен қатар, университеттегі қызылордалық студенттермен кездесу өткізілді. Бүгінде бұл оқу орнында 70-тен астам түлек білім алуда. Басқарма басшысы бітіруші түлектерді облыс тұрғындарының рухани өрісін қалыптастыру, деструктивті діни ағымдар ықпалынан сақтандыру бағытында Сыр еліне келіп, еңбек етуге шақырды.