Қазалы Қазалы аудандық қоғамдық-саяси газет
» » Пластик бөтелкелерден тоқыма талшықтары жасалады

Пластик бөтелкелерден тоқыма талшықтары жасалады

Түркістан облысында ПЭТ бөтелкені қайта өңдеу және штапельдік талшық шығару зауытының құрылысы аяқталды.
Түркістан облысында полиэтилентерефталатты (ПЭТ бөтелке) қайта өңдеу және штапельдік талшық шығару зауытының құрылысы аяқталды. Зауыт толықтай іске қосылған кезде 250-ден астам жұмыс орны ашылады, деп хабарлайды ERNUR.KZ ақпараттық порталы invest.gov.kz-ке сілтеме жасап.
Жобаны іске асырудың инвесторлары — қазақстандық GreenTechnology Industries компаниясы мен Hong Kong General Industry And Commerce Co Ltd (ҚХР) шетелдік серіктес компания. Қазіргі таңда зауытта ПЭТ қалдықтарды жуу, кептіру және бөлшектеу бойынша өндірістің бірінші кезеңі іске қосылды — 73 адам жұмыс істеп жүр. Бүгінде компания келесі кезең — штапельдік талшық шығаруды ұйымдастыруды қолға алды. Ресми статистика бойынша, жыл сайын Қазақстанда 5–6 млн тонна қатты тұрмыстық қалдық (ҚТҚ) жиналады, оның шамамен 150–200 мың тоннасын ПЭТ қалдықтар құрайды. Сонымен қатар, ҚТҚ-ның тек 3–5% қайта өңделеді немесе кәдеге жаратылады.
«Аталған жоба Қазақстанда алғаш рет ПЭТ қалдықтар дайын өнім – штапельдік талшық шығаруға жұмсалатындығымен бірегей. Синтетикалық талшықтың бұл түрі мыжылмайды, күйіп кетпейді және көп уақыт бойы беріктігін сақтайды, гипоаллергенді қасиетке ие. Одан жасалған заттар қолмен ұстаған кезде жағымды, оңай жуылады. Сондай-ақ, өнім құрылыс қоспаларында қолданылатын болады, осылайша құрылыс жұмыстарының сапасын жақсартуға жол ашады», — деді GreenTechnology Industries атқарушы директоры Клара Әбдірахманова.
Бұдан өзге, полиэфирлік талшықтардан 3D принтерде басып шығаруға пайдаланылатын филаментке арналған (1,75 немесе 3 мм пластмасса жіп) материал жасауға болады. Жобаның жалпы құны — $20 млн. Жыл сайын зауытта 50 000 тонна дайын өнім шығарылады деп жоспарланған.
23 тамыз 2018 ж. 714 0

Бүгінгi жаңалықтар

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031