Заңгер кеңесі: Ақшаңызды кейін қайтара алу үшін қарызды қалай беру керек?
Қарыз ақшаны кейін қайтара алу үшін заңды жолмен беріңіз. Ол үшін заңгер кеңесін тыңдап көріңіз. Заңгер Қайрат Жүкел көпшілікке қарапайым кеңесін айтты.«Қазір елдің көпшілігі қарызға ақша берем деп сан соғып қалып жатады. Яғни, еш дәлелсіз берген ақшасын қайтара алмайды. Сондықтан қарыз берерде алушыдан қолхат алыңыз. Қолхатқа кімнің кімге, қанша көлемде ақша берілгені, қай уақытта берілгені, қашан қайтарылуы тиіс екені жазылуы керек», – дейді заңгер.
Мұндай қолхаттың заңдық күші бар. Нотариустан куәландыру да міндетті емес.
«Ақша бергеніңізді растайтын куәгер де заң бойынша істе дәлел бола алмайды. Тек қолхат қана дәлелдеп, ақшаңызды қайтаруға себеп болады. Мұндай қолхат көлік не үй сатып алғанда да іске жарайды. Сатып алушы осынша көлемде ақша бердім деп қолхат жазып, ақша берген адамына өол қойғыза алады. Қолхат даулы мәселе туындап жатқан жағдайда керек болады», – дейді заңгер.
Stan.kz
