Елімізде былтыр тұрмыстық зорлық-зомбылықтан 69 әйел мен 7 бала қайтыс болды
Фото: Н.НҰРЖАУБАЙ
Өткен жылы балаларға қатысты барлығы 2452 қылмыс жасалған. Елімізде былтыр тұрмыстық зорлық-зомбылықтан 69 әйел мен 7 бала қайтыс болды. Мәжілістің комитет отырысында Динара Зәкиева былтыр тұрмыстық зорлық-зомбылықтан қанша әйел қаза тапқанын айтты, деп хабарлайды inbusiness.kz сайты.
"Былтыр тұрмыстағы зорлық-зомбылық саласында 99 мың өтініш келді. Балаларға қарсы 2 452 қылмыс жасалды. Тұрмыстағы зорлық-зомбылық салдарынан 69 әйел және 7 бала қайтыс болды", - деді Динара Зәкиева.
Уәкіл атағандай, тұрмыстағы зорлық-зомбылық пен балалардың қауіпсіздігі мәселелері Мемлекет басшысының үнемі назарында.
"Осы салада соңғы жылдары жүйелі іс-шаралар қабылданды. Заңға өзгерістер енгізілді. Мысалы, арызсыз істің қозғалуы, сенім телефоны құрылды, балаларға қарсы жасалған қылмыстарға жазаны қатаңдату бойынша бірқатар норма көзделген", - деді Динара Зәкиева Мәжілістегі комитет отырысында.
