Заң жобасына сәйкес, денсаулыққа қасақана жеңіл зиян келтіру сияқты әрекеттер үшін қылмыстық жауапкершілік қарастырылған:

денсаулыққа қасақана жеңіл зиян келтіргені үшін 200 АЕК (2024 жылда - 738 400 мың теңге) айыппұл не 200 сағатқа қоғамдық жұмысқа тарту немесе 50 тәулікке дейін қамауға алу;

ұрып-соққаны үшін 80 АЕК (2024 жылда – 295 360 теңге) айыппұл не 80 сағатқа қоғамдық жұмысқа тарту немесе 25 тәулікке дейін қамауға алу;

Қазіргі кезде осы тәртіп бұзушылықтар үшін әкімшілік жаза қарастырылған. Атап айтқанда, денсаулыққа қасақана жеңіл зиян келтіргені үшін 15 АЕК (2024 жылда – 55 380 теңге) немесе 15 тәулікке дейін қамауға алу, ал ұрып-соққаны үшін 10 АЕК (2024 жылда – 36 920 теңге) немесе 10 тәулікке дейін қамауға алады.

Бұдан бөлек, депутаттар әзірлеген заң жобасында денсаулыққа қасақана ауыр зиян келтіргені үшін бас бостандығынан шектеуді алып тастап, 3 жылдан 8 жылға дейін бас бостандығынан айыру жазасы қалдыру ұсынылып отыр. Сол сияқты денсаулыққа орташа зиян келтіргені үшін 2 жылға дейін бас бостандығынан айыру жазасын ғана қалдыруы мүмкін. Ал азаптау үшін жазаның мерзімі 3 жылға дейін артады. Айыппұл мен бас бостандығын шектеу болмайды. Бірақ 600 сағатқа дейінгі қоғамдық жұмыстар қалады.