Облыс әкімі «Қызылорда жылу-электр орталығының» жұмысымен танысты
![](/uploads/posts/2024-01/medium/1704666511_n.jpg)
Кеше облыс әкімі Нұрлыбек Нәлібаев «Қызылорда жылу-электр орталығының» жұмысымен танысты.
Электр және жылу энергиясын өндіру, тарату, жеткізу қызметін жабдықтаушы мекеменің негізгі қондырғылары штаттық режимде жұмыс істеуде. Барлық жылу энергия көздерінің жұмысы сыртқы ауа температурасына қарай бекітілген кестеге сәйкес. Электр энергиясының орташа өнімі сағатына 46,3 МВт, оның ішінде өз қажеттілігіне 6,3 МВт пайдаланады, тұтынушыларға 40 МВт жіберіледі. Жылу энергиясы сағатына 132 Гкал өндіріледі. Аймақ басшысы орталықтың тұрақты әрі қалыпты режимде жұмыс істеуін қатаң қадағалауды тапсырды.
Жаңа ЖЭО электр энергиясын сырттан сатып алудан арылтып, өндірілген электр энергиясының бір бөлігін аймақтан тыс жерлерге сатуға мүмкіндік береді.
Қызылорда облысы әкімінің баспасөз қызметі