Түнгі рейд жұмыстары жалғасуда

Аудан әкімінің орынбасары Дәурен Тлеумбетов жетекшілік жасайтын жұмысшы топ, аудан орталығындағы жастардың көптеп бас қосатын нысандарын аралап, түсіндірме жұмыстарын жүргізді.
Нақтыласақ, Әйтеке би кентіндегі ойын алаңдары, саябақ, ойын-сауық орталықтары мен компьютер клубтарын аралаған құрам,

түнгі клуб, кафе, бильярд, тойханалар мен мейрамханаларға да аялдап, жастарды тәртіпке шақырды.

Топ құрамында аудандық білім бөлімі, аудандық полиция бөлімі, аудандық мәдениет және спорт бөлімі және өзге де сала қызметкерлері бар. Түн тыныштығын бақылап, жастар арасындағы құқық бұзушылықтардың алдын алу бағытындағы құрылған арнайы топтардың жұмысы әрі қарай да күнделікті жалғасын таба беретін болады.