Атқарылған жұмыстар бойынша брифинг өтті
Бүгін партияның аудандық филиалында баспасөз брифингі өтті. Брифинг барысында аудандық мәслихаттағы «AMANAT» партиясы фракциясының мүшесі, аудандық мәслихат депутаты Күншығар Әбілов депутаттық мандат алған кезеңнен бастап атқарған жұмысы жайлы айтып берді.Өз сөзінде халық алдында партияның берген уәделерін, яғни «Халықпен бірге!» атты 2023-2027 жылдарға арналған сайлауалды бағдарламасын іске асыру мақсатында өңірлік Жол картасы әзірленгенін, бүгінде Жол карта шеңберінде аудан бойынша іске асырылып жатқан жұмыстарға тоқталды.
Мұнан соң өз сайлау округі бойынша сайлаушылармен өткізілген көшпелі қоғамдық қабылдау жұмыстарында түскен ұсыныс-пікірлердің орындалуын баяндап өтіп, БАҚ өкілдерінің сауалдарын тыңдады.
#AMANAT
