Бастауыш партия ұйымдарындағы есептік жиындар жалғасуда
Аудандық партия филиалына қарасты бастауыш партия ұйымдарында есептік-сайлау жиындары өткізілуде. Күн тәртібінде бастауыш партия ұйымдарының 2021-2022 жылдары атқарған жұмысы және алдағы кезеңге арналған міндеттері, сондай-ақ аудандық партия филиалының кезекті XLIV (44) конференциясына делегат сайлау мәселелері қаралуда.Осы мақсаттағы жиындар «Жастар», «Бекарыстан би» және «Бозкөл ауылы» бастауыш партия ұйымдарында өтті. Партия мүшелері қатысқан жиынға бастауыш ұйым төрағалары төрағалық етіп, атқарылған жұмыстар жайында баяндап, партияның сайлауалды бағдарламасы шеңберінде жасалып жатқан жұмыстарға тоқталды.
- Партияның сайлауалды бағдарламасын іске асыру бойынша әзірленген өңірлік Жол картасында жастар үшін маңызды жобалар қарастырылған. Бүгінде «Qaisar» әскери-патриоттық жобасы аясында аудан мектептерінің жоғары сынып оқушылары, бітіруші түлектерінің әскери қызметке қызығушылығын арттыру мақсатында экскурсиялар мен кездесулер ұйымдастырылды. Ал «Bir tolqynda» жобасы аясында жастар арасындағы өзекті мәселелерді талқылау мақсатында диалог алаңдары құрылды. «Жастарға кеңес» жобасы аясында жұмыс берушілердің қатысуымен жастарға бос жұмыс орындары жәрмеңкелері де тұрақты түрде өткізлді, - деді «Жастар» бастауыш партия ұйымының төрағасы Нұрбек Ақпанбетов.
«Жастар» 322 партия мүшесінің басын біріктіріп отырған бастауыш ұйым. Партия мүшелері әлеуметтік бағыттағы «Ардагерлерді ардақтайық», «Бақытты отбасы», «Кедергісіз келешек» жобаларын жүзеге асыруға тұрақты атсалысып келеді. Сонымен бірге бастауыш ұйым жастары «Жастар Рухы» жастар қанаты бөлімшесі ұйымдастыратын спорттық және қайырымдылық шараларға белсенді қатысады.
#AMANAT
