Сезім симфониясы

Сен аспап болсаң шертпелі ыспалысың,
Құмарысың жанымның құштарысың.
Ұрмалы не соқпалы бола алмайсың,
Алақанда аялап ұстау үшін.Сен нота болсаң , ля мүмкін соль шығарсың,
Екінші октавадан тон сұрарсың.
Ми керек бірақ саған түсінгенім,
Бас кілтіңе батпандай сор шығарсың.Сен дыбыссың, Тенорсың, Баритонсың,
Сопрано бола аласың тани берсін.
Сен тіпті Контрольто бола аласың,
Ашылмаған бір дыбыссың бәрі игерсін.Сен музыкасың,
Прима, октавасың.
Интервальдық жүйені ақтарасың,
Жеті нота жетпейтін бір әуенсің.
Жеті қат жер астында сақталасың.
Бағыма бұйырылмаған бақталасым!