12 маусымға қараған түні Қазақстанда барлық тулар тсүірілді. Тілсіз жау 14 адамның өмірін жалмап, тағы 1 адамға іздеу жарияланды. Ал өрттің жалпы аумағы бүгінде 60 мың гектардан асқан. Осылайша дәл қазіргі уақытта әлемдегі ең үлкен өрт болып отыр. 

Қазақстанда жалпыұлттық аза тұту күні алғаш рет 2006 жылы жарияланған. Қыркүйекте Қарағанды облысындағы Ленин атындағы шахтада метан жарылып, 41 кенші көз жұмған еді. Нәтижесінде 22 қыркүйек аза тұту күні деп жарияланды.

 Дәл осы аймақта 2 жыл өткен соң, 2008 жылдың 11 қаңтарда Абай қаласындағы шахтада апат қайталанып, 30 шахтер опат болды. Бұл кезде 14-16 қаңтар аза тұту күні деп жарияланған. 

Ал 2010 жылдың 11 наурызында Қызылағаш бөгеті жарылып, ауылды толығымен су шайып кеткен еді. Салдарынан 45 адам көз жұмды. Оның ішінде 11-і балалар. Ел тарихындағы ең үлкен су басуға байланысты 16 наурызда Қазақстанда жалпыұлттық аза тұту күні деп жарияланды. 

2012 жылдың 30 мамырында "Шығыс" аймақтық шекара қызметі Үшарал отрядының "Сары бөктер" заставасында 12 шекарашы мен 1 қорықшының мәйіті табылғаны белгілі болды. Ұлттық қауіпсіздік комитеті Арқанкерген постының өртенгенін хабарлады. Ал 1 маусымда көз жұмған шекарашылар саны 14-ке жетті. Қанды қылмысқа байланысты борышын өтеп жүрген сарбаз Владислав Челах ұсталып, 11 желтоқсанда өмір бойына сотталды. Шекара бекетіндегі қырғынға байланысты президент Нұрсұлтан Назарбаев аза тұту күні деп жариялады. 

2012 жылдың 25 желтоқсанында Шымкент маңында ҰҚК шекара қызметінің ұшағы құлап, бортта болған 27 адам көз жұмған еді. Оның ішінде 7 экипаж мүшесі мен 20 шекарасы бар. Опат болғандар қатарында шекара қызметінің басшысы Тұрғанбек Стамбеков те болған. Қайғылы жағдайға байланысты 27 желтоқсан елімізде жалпыұлттық аза тұту күні деп жарияланды. 

2013 жылдың 29 қаңтарында Алматы жанындағы Қызылту ауылы маңында Көкшетау-Алматы бағытындағы жолаушылар ұшағы құлап, бортта болған 5 экипаж мүшесі мен 16 жолаушы мерт болды. Challenger-200 "Scat” әуе компаниясына тиесілі болған. 21 адамның ажалына алып келген апатқа байланысты 31 қаңтар қаралы күн деп жарияланды. 

5 маусымда теріс діни ағымды ұстанатын бір топ адам қару-жарақ дүкенін тонап, әскери бөлімге шабуыл жасады. Атыс кезінде 21 адам ажал құшты. Оның 13-і радикалды топ өкілдері болса, 8-і бейбіт тұрғындар, қалған 3-і әскерилер еді. Қанды қырғынға байланысты 9 маусым бейбіт тұрғындар мен әскерилерді аза тұту күні деп жарияланды.

2019 жылдың 27 желтоқсанында таңғы 7:22 шамасында Bek Air әуе компаниясына тиесілі жолаушылар ұшағы Алматы әуежайы маңында биіктікке көтеріле алмай, бетон қоршауды бұзып, екі қабатты үйге соғылды. Салдарынан бортта болған 12 адам көз жұмды. Ал 28 желтоқсанда елімізде қаралы күн жарияланды. 

  Әлемдік коронавирус пандемиясына байланысты 13 шілдеде елімізде жалпыұлттық аза тұту күні жарияланды. Астана уақыты бойынша 12:00-де коронавирустан көз жұмған азаматтарды еске алу үшін 1 минут үнсіздік жарияланды.  Қаңтар оқиғасы  2022 жылдың 5 қаңтарында елде басталған жаппай тәртіпсіздіктер кезінде жүздеген адам көз жұмды. Осыған байланысты президент Қасым-Жомарт Тоқаев 10 қаңтарды жалпыұлттық аза тұту күні деп жариялады. 
oinet.kz