"Еңбек ресурстарын дамыту орталығы" АҚ сарапшылары хабарлағандай, кадрларға ең үлкен қажеттілікті білім беру (13,9 мың), басқа да қызмет түрлері (7,7 мың) және денсаулық сақтау (3,4 мың) секторларының кәсіпорындары көрсетті.

"Бұл ретте сұраныстың біліктілік құрылымында наурыз айында өзгерістер жоқ. Яғни біліктілігі төмен еңбекке жеткілікті төмен сұраныс болған кезде жоғары білікті мамандарға сұраныс тенденциясы сақталды. Бұл орналастырылған бос жұмыс орындарының тек 20%-дан кемі болып отыр. Орта білікті жұмысшыларға сұраныс жоғары болып қалуда – олар бос жұмыс орындарының 40% - ын құрады.

Бұл ретте сұраныс пен ұсыныс арасында теңгерімсіздік байқалды – орташа біліктілігі бар ізденушілер орналастырылған бос жұмыс орындарының жартысына жуығы болды, ал біліктілігі төмен еңбек көрсететін адамдар жұмыс берушілерге талап етілгеннен екі есе көп болды", – деді ЕРДО Стратегия және үлкен деректер департаменті директорының орынбасары Ұлпан Шегенова.

Наурыз айында ең көп сұранысқа ие жұмыскерлердің арасында біліктілігі жоқтармен қатар жүргізушілер (1,6 мың), тәрбиешілер (1,5 мың) және күзетшілер (1,4 мың бос жұмыс орны) болды. Сондай-ақ, санитарлар (1,3 мың), медбике/мейіргер (1,2 мың) және бухгалтерлер (1,2 мың бос жұмыс орны) сияқты мамандарға қатысты жоғары сұраныс әлі де байқалады.

"Өткен айда жұмыс орындары үшін бәсекелестік тек біліктілігі жоқ жұмысшыларда ғана байқалмады. Сонымен, мамандар арасында заңгерлер (ізденушілердің түйіндемелерінің саны 432-ге артық), әлеуметтік қызметкерлер (352 түйіндемеде) және дене шынықтыру және спорт мұғалімдері (250 түйіндемеде) жоғары бәсекелестікке тап болды", – деп бөлісті Ұлпан Шегенова.

Наурыз айында бос орындар санының өсуін 6 өңір, оның ішінде Солтүстік Қазақстан (+28% немесе 582 бос жұмыс орны), Жамбыл (+15% немесе 467 бос жұмыс орны), Ақмола (+15% немесе 450 бос жұмыс орны) және басқа да облыстар көрсетті. Бұл ретте кадрларды іздеу белсенділігінің төмендеуі бірден 14 өңірде байқалды. Бұл Маңғыстау облысында байқалады – онда бос орындар саны 37% - ға азайды (-747 бос жұмыс орны), алайда түйіндемелер санының 39% - ға (2 мың түйіндеме) қысқаруы байқалады.

Өткен айда гендерлік құрылым өзгерген жоқ– ерлер мен әйелдер бірдей белсенді жұмыс іздеді. Жас топтары бойынша ізденушілердің жалпы санынан 47% (29,9 мың) – 35 жасқа дейінгі жастар, олардың ішінде 31-35 жас аралығындағы ізденушілер белсенділік танытты (9,3 мың түйіндеме). Барлық түйіндемелердің 33%-ы (21,2 мың) 36-50 жас аралығындағы адамдардан, қалған 20% - ы (12,4 мың) – 50 жастан асқан ізденушілер.

Наурыз айының қорытындысы бойынша ең көп жалақыны телекоммуникациядағы жобалар жетекшісі (орта есеппен 1,6 млн теңгеден бастап), бас комплаенс-бақылаушы (~1,3 млн теңге) лауазымына үміткер ізденушілер, сондай-ақ мұнайды есепке алу, резервуарлар және машиналарды жөндеу және техникалық қызмет көрсету жөніндегі инженерлер (~1 млн теңге) сұраған.

Сонымен қатар жұмыс берушілер желілік инженерлерге (орта есеппен 900 мың теңгеден бастап), өнеркәсіптік альпинистерге (~ 625 мың теңге), сондай-ақ бұрғылау жөніндегі инженерлерге (~ 550 мың теңге) ең жоғары жалақы ұсынды.