Қазақстанда бақылауға жататын есірткі және психотроптық препараттардың тізімі кеңейтілді
ҚР Үкіметінің 2023 жылғы 20 наурыздағы қаулысымен Қазақстан Республикасында бақылауға жататын есірткі құралдарының, психотроптық заттар мен прекурсорлардың тізбесіне өзгерістер мен толықтырулар енгізілді, деп хабарлайды zakon.kz.Сонымен, каннабис (кенсора) кептірілген және кептірілмеген түрде есірткіге жататыны көрсетілген.
«Есірткі» бөліміне қосылды: изотонитазен, кротонилфентанил, циклопропилфентанил, акрилоилфентанил (акрилфентанил), фуранилфентанил, тетрагидрофуранилфентанил, U-47700, MT-45, AH-7921.
«Психотропты заттар» бөлімі: Этизолам, Трамадол, Кетаминмен толықтырылды.
Прекурсорлардың тізімі де жаңа редакцияда ұсынылған. Заңсыз айналымнан табылған есірткі құралдарының, психотроптық заттардың, олардың аналогтары мен прекурсорларының жіктелуі бойынша жиынтық кестеге ұсақ, ірі және аса ірі көлемдегі толықтырулар енгізілді.
Жаңа басылымда «Есірткі, психотроптық заттар мен прекурсорларға жатқызылған өсімдіктерді заңсыз өсіру көлемдері» кестесі берілген.
Үкім 2023 жылдың 7 сәуірінен бастап күшіне енеді.
