"Электронды үкімет" порталында жалпыға бірдей декларацияның бөлігі ретінде салық декларациясын тапсыруға арналған жаңа функция пайда болды. Бұл туралы ҚР Қаржы министрлігінің Мемлекеттік кірістер комитеті мәлімдеді, деп хабарлайды Zakon.kz.
Кіріс пен мүлік туралы декларацияны (270.00-нысан) тапсыру функционалдығын "Кеден және салықтар", "Салық салу" бөлімінен табуға болады.
Мемлекеттік кірістер комитеті кірістер мен мүлік туралы декларация жыл сайын активтер мен міндеттемелер туралы декларация табыс етілген жылдан кейінгі уақыттан бастап есепті салық кезеңінің 31 желтоқсанындағы жағдай бойынша берілетінін еске салды (250.00-нысан).
Биыл бұл декларацияны 2021 жылдан бастап, яғни бірінші кезеңде декларациялау жүйесіне енген тұлғалар тапсырады.
Декларацияның соңғы мерзімі:
15 шілдеге дейін – қағаз жүзінде;
15 қыркүйекке дейін – электрон түрде.
Электрон түріндегі декларацияны "Салық төлеуші кабинеті" бөлімі және "e-Salyq Azamat" мобильді қосымшасы арқылы да тапсыруға болады.
Активтер мен міндеттемелер туралы декларацияны (250.00 нысаны) E-gov.kz порталында да ұсынуға болады. Оны биыл мемлекеттік мекемелер мен квазимемлекеттік сектор қызметкерлері, сонымен қатар олардың жұбайы ұсынуы керек.
