Сайлау науқанында спорттық ойындар ұйымдастырылды
Елімізде өтіп жатқан саяси науқанда Қазалы ауданының тұрғындары белсендік танытуда. Таң сәріден бері ауданымыздың әр аймағында орналасқан 40 сайлау учаскесінің барлығында дерлік сайлаушыларға арналып түрлі шаралар ұйымдастырылуда. Сайлау учаскелерінің бірінің алдында келушілерге арналып тәтті бәліштер мен ыстық бауырсақ таратылса, енді бірінде сайлаушыларға арналып түрлі естелік сыйлықтар табысталуда.
Ал ауданымыздағы №57, 58, 60, 61, 78, 82,85, 362, 376 сынды сайлау учаскелерінде арқан тартыс, гір көтеру, қол күрес, футбол фристайл секілді спорттық ойындар ұйымдастырылып, жеңімпаздарға сый-сияпаттар табысталды.
#20қараша
