Үйде отырып, үн қосты
Дауыс беруге ниетті кез келген тұрғын үшін жергілікті сайлау комитеті қажетті жағдайды жасап беретінін бұған дейінгі науқандардан жақсы білеміз. Бұл жолы да №56 сайлау учаскесінің қызметкерлері белгілі жағдайлармен үйден дауыс беруге өтініш тастаған сайлаушылардың үйіне барды.– Сайлау учаскесіне 23 адам заңдылыққа сәйкес, сағат 12:00-ге дейін үйден дауыс беруге өтініш берді. Сол себепті комиссия мүшелері, учаскелік полиция инспекторы мен ҮЕҰ бақылаушылары бірігіп, мекен-жай аралауға шықты. Елдің дамуына, ұлт келешегіне жеңіл қарамай, ниет білдірген жерлестерімізге алғыс білдіреміз, – деді №56 сайлау учаскесінің комиссия төрағасы Ерлан Өтепбергенов.
