Елімізде 3 жаңа мереке пайда болуы мүмкін
Қазақстанда мерекелік күндердің тізбесінде 3 атаулы мереке пайда болуы мүмкін. "Қазақстан Республикасындағы мерекелік күндердің тізбесін бекіту туралы" Қазақстан Республикасы Үкіметінің 2017 жылғы 31 қазандағы № 689 қаулысына толықтыру енгізілмек.
Тізімге келесі кәсіби мерекелер қосылатын болады:
Қазақстан кәсіпкерлері күні – 9 қыркүйек;
Жарнама маманы күні – 19 желтоқсан;
Тұрғын үй-коммуналдық шаруашылығы саласының қызметкерлері күні – 16 сәуір.
"Қазақстан Тәуелсіздігінің 30 жылдығы қарсаңында жаңа мереке бекіту жөніндегі бастама жүргізіліп отырған мемлекеттік саясаттың басымдықтары мен елдің осы саладағы негізгі қоғамдық-саяси күштерінің шоғырлануын айғақтайтын болады", делінген құжатта.
Тұрғын үй-коммуналдық шаруашылығы саласының қызметкерлері күні туралы құжатты қоғамдық талқылау мерзімі – 2 тамызға дейін болса, Кәсіпкерлер мен жарнама мамандарының күні туралы құжатты талқылау мерзімі 8 тамызға дейін деп көрсетілген.
